Вучэбная дысцыпліна “Тэхналогія развіцця беларускага маўлення дзяцей” уваходзіць у модуль “Стварэнне адукацыйнага асяроддзя ва ўстанове дашкольнай адукацыі”.
Вучэбная праграма вучэбнай дысцыпліны “Тэхналогія развіцця беларускага маўлення дзяцей” накіравана на паспяховую рэалізацыю мэтаў і задач навучання методыцы развіцця беларускага маўлення ў сітуацыі блізкароднаснага білінгвізму будучых педагогаў дашкольнай адукацыі ва ўстановах вышэйшай педагагічнай адукацыі першай ступені.
Актуальнасць зместу вучэбнай праграмы “Тэхналогія развіцця беларускага маўлення дзяцей” вызначаецца тым, што ў ім адлюстраваны комплексны падыход да вырашэння задач развіцця маўлення і беларускамоўных зносін ва ўстанове дашкольнай адукацыі ў сітуацыі блізкароднаснага білінгвізму.
Мэта вучэбнай дысцыпліны:
фарміраванне прафесійнай кампетэнтнасці будучага педагога ў галіне методыкі развіцця беларускага маўлення дзяцей дашкольнага ўзросту ў сітуацыі блізкароднаснага білінгвізму; фарміраванне падрыхтаванасці студэнтаў да арганізацыйна-кіраўніцкай, навукова-метадычнай дзейнасці ў галіне маўленчага развіцця дзяцей дашкольнага ўзросту ў сітуацыі блізкароднаснага блілінгвізму.
Задачы вучэбнай дысцыпліны:
фарміраваць навуковыя веды аб працэсе развіцця маўлення і маўленчых зносін дзяцей ў сітуацыі блізкароднаснага руска-беларускага білілінгвізму;
садзейнічаць асэнсаванню ролі беларускай мовы як аднаго з фундаментальных і універсальных аспектаў нацыянальнай культуры;
фарміраваць глыбокае разуменне ролі нацыянальнай мовы ў псіхічным развіцці дзіцяці; сутнасці паняццяў “білінгвальная адукацыя”, “білінгвальнае навучанне”, “білінгвальнае выхаванне” і асаблівасцей білінгвальнай дашкольнай адукацыі ў Беларусі; працэсу беларускамоўнага развіцця дзяцей дашкольнага ўзросту як сродку інкультурацыі;
садзейнічаць асэнсаванню таго, што навукова абгрунтаваная методыка навучання беларускай мове і развіцця беларускага маўлення павінна абапірацца на разуменне сутнасці механізмаў авалодання роднай і другой мовамі, асаблівасці руска-беларускага двухмоўя дашкольнікаў; улічваць спецыфіку зместу і метадаў дашкольнай дыдактыкі;
фарміраваць цэласныя педагагічныя веды аб сутнасці сучасных канцэпцый і тэхналогій навучання другой мове, развіцця беларускага маўлення і навучання нацыянальнай роднай мове дзяцей дашкольнага ўзросту ў сітуацыі блізкароднаснага руска-беларускага білінгвізму;
фарміраваць ўменне дыягнаставаць, праектаваць і канструяваць працэс развіцця беларускага маўлення дзяцей дашкольнага ўзросту ў сітуацыі блізкароднаснага двухмоўя;
садзейнічаць авалоданню студэнтамі эфектыўнымі метадамі і прыёмамі развіцця беларускага маўлення дзяцей дашкольнага ўзросту;
развіваць метадычнае мысленне, уменне ўжываць тэарэтычныя веды ў розных педагагічных сітуацыях.
- Учитель: Богорадова Татьяна